Гүйцэтгэлийг нэмэгдүүлэхийн тулд ажилтнуудаа хэрхэн мотивацижуулах вэ?

Удирдлагуудад зориулсан цуврал зөвлөмж #1

Эхлээд өөрийгөө таньж мэд! Хэрэв Та өөрийгөө удирдаж чадахгүй бол бусдыг удирдана гэдэг нь боломжгүй зүйл. Тиймээс эхлээд

өөрийнхөө хандлага, давуу тал, сул талаа ойлго.

 Ингэхийн тулд эхлээд 1-2 минут өөрийнхөө тухай сайтар бодно: Миний ажил хийхэд илэрдэг 3 давуу тал, 3 сул тал юу вэ? Дуусаад хуудас цаас авч доорх байдлаар бичнэ үү (Доорх жишээг харах)! Миний давуу тал (ажил хийхэд илэрдэг):

1. Туршлагатай

2. Сайн харилцаа үүсгэж чаддаг

3. Хурдан

Миний сул тал (ажил хийхэд илэрдэг)

1. Хэт хурдан шийдвэр гаргадаг

2. Бусдыг сонсдоггүй

3. Давхар нягталдаггүй

Таны ажлын хандлага, гүйцэтгэлийн бодитоор дүгнэж чадах нэг ажилтантайгаа уулзаж өөрийнхөө давуу болон сул талыг хэлэхийг хүснэ. Давуу талаа түр хойш нь тавиад сул 

тал дээрээ төвлөрье. Танай ажилтны таны талаар дүгнэсэн сул талын дүгнэлт таныхтай давхцаж байна уу? Хэрэв тийм бол тухайн сул тал дээр анхаарахгүй орхиж болохгүй нь.

Яагаад үүнд ингэж ач холбогдол өгч байна гэвэл энэ нь таны хувь хүний жижиг сул тал биш, харин ажил хийхэд байнга гарч ирээд, нөлөөлөөд байдаг сул тал учраас. Та сул

талаа мэдсэн учраас одоо хэрхэн сайжруулах нь дараагийн алхам. Яг үүнтэй адил ажилтны ажлын гүйцэтгэл хангалтгүй байгаад байвал дээрх аргыг хэрэглэж болно. Гэхдээ

эсрэг байдлаар! Таны оронд ажилтан сууж өөрийнхөө давуу, сул талыг тодорхойлно, харин та түүнийг дүгнэж 2 уулаа сууж нэгтгэнэ.

Багийн ажилд сөрөг нөлөө үзүүлдэг зүйл бол багийн гишүүдийн ажлын буруу арга барил, хувь хүний буруу дадал хэвшил л байдаг