Ажлын байрны тодорхойлолт нь ажилтны тухайн ажлын байранд хийх үйл ажиллагаа, үүрэг даалгаврыг тодорхойлсон баримт бичиг юм. Одоогийн ажлын байрны тодорхойлолт нь зааварчилсан, уян хатан биш байх нь түгээмэл бөгөөд ажилтнууд – “Энэ ажил миний ажлын байрны тодорхойлолтод байхгүй” гэж хэлэх нөхцөлийг бий болгодог буюу тэднийг зөвхөн ажлын байрны тодорхойлолтод тусгагдсан ажлыг л хийхээр боловсруулагдсан байдаг. Харин, орчин үеийн Хүний нөөцийн менежментэд ажлын байрны тодорхойлолтыг үүрэг даалгаварт биш үр дүнд суурилсан байхад анхаарч байна. Үүнээс гадна, тухайн үр дүнг бий болгоход шаардлагатай техникийн болон ерөнхий ур чадварыг тусгаж өгөхийг зөвлөж байна. Хөдөлмөрийн дотоод журам, хөдөлмөрийн гэрээнд тусгагддаг зүйл заалтыг ажлын байрны тодорхойлолтод тусгах шаардлага байхгүй гэдгийг Хүний нөөцийн мэргэжилтнүүд маань анхаарна уу.
2022 оны 1 дүгээр сарын 13