Хүний нөөцийн бүрдүүлэлт гэж юу вэ? Бүрдүүлэлт хийхэд анхаарах зүйлүүд!
- Үзсэн: 2469
Хүний нөөцийн бүрдүүлэлт гэдэг нь нээлттэй ажлын байранд зөв, тохиромжтой хүмүүс (Right People) -ийг сонгон ажиллах хүчийг бүрдүүлэх үйл явцыг хэлнэ.
“Тохиромжтой хүн” гэдэг нь байгууллагын үнэт зүйлтэй ажил горилогчийн үзэл баримтлал таарах тухай асуудал юм. Жишээ нь,
Туршлагыг үнэт зүйлээ хэмээн тодорхойлсон байгууллагад олон салбарт хүчээ үзэх сонирхолтой хүн тохиромжгүй буюу бүрдүүлэлт хийхдээ энэ үзэл баримтлалыг нь харгалзаарай гэсэн зөвлөмж. Өөрөөр хэлбэл, байгууллага ба ажил горилогч хоорондын зохицол, таарамж (Fit), үнэт зүйл, үзэл баримтлалаа харилцан эрхэмлэдэг байх тухай ойлголт юм.
Тиймээс байгууллагын болон ажлын нөхцөл байдлыг харгалзан тухайн ажилд орох чин хүсэл эрмэлзэлтэй хүмүүсийг сонгох нь хүний нөөцийн бүрдүүлэлтийн гол зорилго байх ёстой.
Бүрдүүлэлтийн цөм нь “тохиромжтой хүн”-ийг байгууллага руугаа хандуулах үйл ажиллагаа юм.
