Систем онолыг Байгууллагын Инновацид ашиглах нь
- Үзсэн: 1607
Айпл ухаалаг гар утас, Тэслагийн цахилгаан машин гэх мэт инженерийн гайхамшигтай инновациуд хийгдсэн цаг үед та бид амьдарч байгаа бөгөөд энэхүү инновациуд тухайн байгууллагаа дэлхийн хамгийн шилдэг байгууллага болгосон.
Иймээс байгууллагынхаа үйлдвэрлэлд инновац авчрах нь өнөө үеийн хамгийн чухал асуудал юм. Инженерийн инноваци, байгууллагын загварчлал хоёрын хоорондын хамаарлыг олон ч судлаачид судалсан бөгөөд үүний дотор компаниудад инноваци хийхэд түлхэц үзүүлдэг элементүүдийг тодорхойлох нь чухал гэж үзжээ.
Харин систем онолоор дамжуулан байгууллага болон инноваци, мөн элементүүдийг тодорхойлох хамгийн зөв шийдэл юм. Систем онолыг хэрэглэснээр танай байгууллагын хамгийн гол элементүүд болох (i) стратеги, (ii) бүтэц, (iii) манлайлал, (iv) түншлэл, (v) ажилтан, (vi) урамшуулал, (vi) процесс-ыг тодорхойлж болох ба бид байгууллагын системд хамаарагдаж буй эдгээр элементүүдийг аль нэгнээс нь илүү эсвэл дутуу авч үзэж болохгүй. Тийм ч учраас шинэ эриний хурдтай хөгжлийг дагаж байгууллагаа хөгжүүлэхэд эдгээр элементийн хоорондын уялдаа холбоог хангаж, балансыг нь алдагдуулахгүй байх нь удирдлагууд болон ажилчдад нэн чухал юм.
