Байгууллагын бүтэц чухал VS чухал биш ба GE
- Үзсэн: 1254
Байгууллагын БҮТЭЦ хэр ч
ухал вэ гэдэгт асуултанд СЕО нар өөр өөр хариулт өгөх байх. Гэхдээ тэд нарын хариулт бүгд зөв гэж хэлмээр байна. Учир нь тэд өөр өөрийн онцлог бүхий компаниуд удирддаг бөгөөд байгууллагын хэмжээ, ажлын цар хүрээ, бүтээгдэхүүн үйлчилгээний зориулалт, ажилчдын ур чадварын ангилал, технологийн шийдэл зэргээс хамааран өөр өөр бүтцийн хэлбэрүүдийг сонгон ажилладаг. Байгууллага том байх тусмаа бүтцээ зөв тодорхойлох хэрэгтэй бөгөөд энэ нь тухайн байгууллагын ажлын бүтээмж, ажилчдын ажлын уялдаа холбоо, мэдээлэл болоод мөнгөн урсгалын хурд зэрэгт шууд нөлөө үзүүлж байдаг. Тэгвэл бидний сайн мэдэх 130 жилийн түүхтэй General Electric буюу GE компани энэхүү асуудлыг хэрхэн шийдэж ирсэн тухай та бүхэнтэй хуваалцъя.
GE нь 2016 оны байдлаар 333,000 ажилтантай дэлхийн бүх улсад салбартай инженер, хүнд үйлдвэрлэлийн салбарт дэлхийд данстай компаниудын нэг хэмээн тооцогдож байв. Инженерийн олон салбарт үйл ажиллагаа явуулдаг GE нь Бүсчлэл болон Газар зүйн байрлалаас хамаарсан байгууллагын бүтэцтэй бөгөөд энэ нь бүс нутаг хариуцсан захирлууд, тэдгээрийн удирдлаган дор бүтээгдхүүний төрөл хариуцсан дэд захируулд гэсэн үндсэн хэсгээс бүрддэг. Caterpillar, Toyota, MacDonalds гэх мэт дэлхийн томоохон компаниуд ч гэсэн бүсчлэл болон газар зүйн байрлалаас хамаарсан ийм бүтэцтэй байдаг. Үүнээс харахад эдгээр команиудад Divisional & Geographic гэсэн бүтэц хамгийн тохиромжтой нь харагдаж байна. Ерөнхийдөө байгууллагын бүтэц (i) Functional, (ii) Matrix, (iii) Virtual networking, (iv) Divisional & Geographics, (v) Horizontal гэсэн үндсэн 5 төрөл байдаг бөгөөд энэ нь тухайн байгууллагын ажилчдын тоо болон үйл ажиллагааны чиглэлээс хамаарна.
Уншигч та 3-50 хүнтэй жижиг компанитай бол танай байгууллагад дээрх таваас ХЭВТЭЭ (HORIZONTAL) бүтэц хамгийн тохиромжтой бөгөөд энэхүү бүтцээр ажилах үед ажилтнууд харьцангуй уян хатан, хөрвөх чадвар сайтай, олон төрлийн ур чадварыг эзэмшсэн байх шаардлагатай байдаг тул танд БҮТЭЦ хэмээх менежментийн ухагдахуун сонирхолгүй санагдаж болох юм. Гэвч танай байгууллага 100-с дээш ажилтантай болох үед танд энэ асуудал өөрийн эрхгүй тулгарна гэдгийг ойлгож, зөв бүтэц зөв ажлын арга барил, менежментийн зөв тогтолцооруу эртнээс орж шинэ цаг үетэй хөл нийлүүлэн бизнесээ амжилттай авч явж ашиг орлогоо нэмэгдүүлэрэй хэмээн хэлмээр байна.
