Өөрчлөлтийн удирдлага гэж юу вэ? Байгууллагын өөрчлөлтийн хөтлөмж (Change management)
- Үзсэн: 2443
Аливаа шинэ систем болон стратеги гэх мэт өөрчлөлтүүд танай байгууллагын хэвийн явагдаж байгаа үйл ажиллагааг доголдуулах өндөр магадлалтай байдаг. Тиймээс та Байгууллагын Өөрчлөлтийн Удирдлага (Organizational Change Management)-ыг ойлгож зөв хэрэгжүүлж чадвал аливаа шинэ процессын өөрчлөлтийг өөрийн байгууллагадаа амжилттай нэвтрүүлж чадна.
Өөрчлөлтийн удирдлага гэж юу вэ?
Орчин цагийн IT салбарын хувьд Өөрчлөлтийн Удирдлага олон өөр өөр дүрслэл байдлаар илэрхийлэгддэг. Төслийн Менежерүүд Өөрчлөлтийн Удирдлагыг төслийн цар хүрээ, хугацааны төлөвлөгөө, санхүү зэрэгт өөрчлөлт оруулах процесс гэж хардаг бол харин барилгын салбарынхан үүнийг шинэ тоног төхөөрөмж, үүл (cloud) эсвэл шинэ аппликейшн нэвтрүүлэхийг батлах, турших болон хэрэглэж эхлэх зэрэг процесс гэж үздэг байна. ITIL, ISO20000, PMP, Prince2 болон бусад аргачлал, стандартууд бол шинэ өөрчлөлтийн тодхон жишээнүүд болдог байна.
Өөрчлөлтийн Удирдлагын Мэргэжилтнүүдийн Холбоо (ACMP), PROSCI, Инноваци болон Байгууллагын Өөрчлөлтийн Удирдлагын Институт (IOCMI) болон бусад мэргэжилтнүүд Өөрчлөлтийн Удирдлагыг байгууллага зүй талаас анхаарч үздэг. Мэргэжилтнүүд өөрчлөлтийг өөр өөрсдийн хүрээ, хэллэг, хандлагаар хардаг боловч тэд бүгд байгууллагын хувьд өөрчлөлт гэдэг бол хүний өөрчлөлт гэдэгтээ бүгд санаа нийлдэг байна.
Энгийнээр ойлгуулбал “Өөрчлөлт” гэдэгт байгууллага шинэ ERP системтэй болох эсвэл бүтэц өөрчлөгдөх гэх мэт байгууллагын өдөр тутмын үйл ажиллагаанд их хэмжээний саад отгор учруулах томоохон арга хэмжээ, программ зэрэг багтана. Байгууллагын Өөрчлөлтийн Удирдлагын талаар хамгийн энгийн бөгөөд зөв тодорхойлолтыг Sheila Cox ийнхүү хэлжээ: “Байгууллагын Өөрчлөлтийн Удирдлага гэдэг бол тухайн өөрчлөлт, үйл ажиллагаанд хамрагдаж буй ажилчдыг тухайн шинэ процесст дасгах явдал юм”.
Бизнес эрхлэгч та өөрийн бизнесээ сайжруулах эсвэл цаг үетэй нь нийцүүлэхийн тулд өөрийн байгууллагадаа аливаа өөрчлөлт хийсэн тохиолдолд танай байгууллагын ажилчдын сэтгэхүй, ажиллах арга барил өөрчлөгдөн тухайн шинэ тогтолцоо, стандарт, арга барилыг амжилттайгаар хүлээн авч хэрэглэх нь хамгийн чухал гэдгийг ойлгосон байх. Энэхүү ажилчдаа өөрчлөн шинэ зүйлд дасгах процессыг Байгууллагын Өөрчлөлтийн Удирдлага буюу Organizational Change Management гэж өнөө цагт нэрлэсэн гэхэд хэлсдэхгүй болов уу.
Ажилчдын сэтгэхүй, арга барил, зуршил гэх мэт зүйлсийг өөрчлөхийн тулд хүний сэтгэл зүй (human psychology) болон хүний мөн чанар (human nature) гэх мэт суурь ойлголтуудыг сайн ойлгох хэрэгтэй болно.
