Стратегийн зөвлөх үйлчилгээнд дэмжлэг үзүүлж ажиллалаа.
Бид 2021 оны 6-р сард ORDB Консалтинг компанийн эхлүүлсэн “Зөгийн аж ахуйн нэгжүүдийн стратеги төлөвлөгөө боловсруулах зөвлөх үйлчилгээ”-нд Хүний нөөцийн менежментийн хүрээнд дэмжлэг үзүүлж хамтран ажиллалаа.
Энэхүү зөвлөх үйлчилгээ нь Европын Сэргээн Босголт, Хөгжлийн Банк (EBRD in Mongolia)-ны Bundled Project-ийн хүрээнд хэрэгжсэн бөгөөд Халхгол Зөгийн Бал, Үлэмж цэвэр зөгийн бал, Mon Bee брэндүүд сонгогдон 8 сарын турш хамтран ажилласан юм.
Бидний хувьд зөгийн аж ахуй, бал үйлдвэрлэл шинэ салбар байсан бөгөөд тус зөвлөх үйлчилгээнд хүний нөөцийн менежментийн дэмжлэг үзүүлж хамтран ажиллах боломж олгосон Өү Ар Ди Би Консалтинг компанийн захирал, Стратеги төлөвлөлтийн зөвлөх Р.Оюунд гүн талархал илэрхийлж байна.
Мөн түүнчлэн тус зөвлөх үйлчилгээг авсан Монголын Зөгийчдийн Нийгэмлэг, Халхголын хишиг ХХК, Тэс оргил ХХК, болон Экса элит ХХК болон зөвлөх багт хамтран ажилласан УРВД Консалтинг ХХК-ийн захирал, Санхүүгийн зөвлөх Др. В.Данаасүрэн, Дата, судалгаа хариуцсан Ахлах аналист С.Уянга, Санхүү, НББ-ийн зөвлөх Б.Алтан-Эрдэнэ нартаа баярлалаа.
Монгол Улсад тогтвортой хөгжлийг таниулан дэмжиж, ногоон бизнес, эмэгтэй бизнес эрхлэгчдийг мэдлэг чадвараа хөгжүүлж бизнесээ тэлэхэд нь бодит дэмжлэг үзүүлдэг Европын Сэргээн Босголт, Хөгжлийн Банкны хамт олонд мөн талархал илэрхийлье.
Та бүгдэд ажлын өндөр амжилт хүсье.
Атлас Консалтинг Фирм
2022 оны 2 дугаар сарын 28
Мэдлэг хуваалцах, ерөнхий ур чадвар олгох хүрээнд хамтран ажиллалаа.
Монгол Улсын Засгийн Газрын Хэрэгжүүлэгч Агентлаг Усны газрын харьяа Гол мөрний сав газрын захиргаадын мэргэжилтнүүдэд зориулсан мэдлэг, ур чадвар олгох ерөнхий ур чадварын сургалт зохион байгууллаа.
Сургалтын үр дүнтэй байдал, оролцоо мөн халдвар хамгааллын дэглэмийг маш сайн ханган ажилласан Цэнгэг усны хүрээлэн ТББ-д талархал илэрхийлье.
2021 оны 9 сарын 15
Атлас Консалтинг Фирм
Хамтран ажилласанд талархал илэрхийлье Century 21 Mongolia
Атлас Консалтинг Фирм чадамж хөгжүүлэх, ур чадвар олгох мэдлэгийн бүтээгдэхүүнийг Century 21 Mongolia -ийн Брокеруудад хүргэж ажиллаа.
Үл хөдлөх хөрөнгийн салбарт амжилттай ажилласан 50 жилийн түүхээ тэмдэглэж байгаа Century 21 Компанийн Монгол Улс дахь Мастер франчайз Century 21 Mongolia -ийн Менежментийн баг болон Брокер оффисуудын нийт хамт олонд баяр хүргэж ажлын амжилт хүсье.
Компанийн нийгмийн хариуцлагын хүрээнд мэдлэгийн бүтээгдэхүүн хүргэлээ.
Бид 2021 онд Компанийн нийгмийн хариуцлагын хүрээнд улирал бүр нэг удаа мэдлэгийн бүтээгдэхүүнийг байгууллагуудад хүргэн ажиллаж байна.
2 дугаар улирлын ээлжит сургалтаа BDO Mongolia -ийн хамт олонд хүргэлээ. BDO Mongolia нь олон улсын аудитын үйлчилгээг чанар, стандартын хүрээнд бүх түвшний байгууллагад хүргэн ажилладаг бөгөөд Бид чадварлаг залуустай мэдлэг, туршлагаа хуваалцсандаа туйлын баяртай байна.
Та бүхэнд ажлын өндөр амжилт, эрүүл энхийг хүсье!
Мэдлэгийн бүтээгдэхүүн хүргэх, сургалт хөгжлийн үйлчилгээ нь Атлас Консалтинг Фирмийн үйл ажиллагааны үндсэн чиглэл бөгөөд Бид үүгээрээ харилцагч байгууллагын ажилтнуудыг чадавхжуулах, гүйцэтгэлийг нэмэгдүүлэх, улмаар нийгэмд зөв зан үйлийг төлөвшүүлэхийг зорьдог билээ.
Атлас Консалтинг Фирм
2021 оны 6 дугаар сарын 30
